ପଶ୍ଚିମବଙ୍ଗ : ପଶ୍ଚିମବଙ୍ଗ ବିଧାନସଭା ନିର୍ବାଚନ ୨୦୨୬ ମଧ୍ୟରେ ଅନ୍ୟ ସହରରୁ ବେଙ୍ଗଳାକୁ ଆସୁଥିବା ଲୋକଙ୍କ ଭିଡ଼ ଦେଖିବାକୁ ମିଳିଛି । ମୁସଲିମ୍ ଭୋଟର ବହୁ ସଂଖ୍ୟାରେ ବଙ୍ଗଳାକୁ ଫେରୁଛନ୍ତି । ବିଶେଷକରି ମାଲଦା ଏବଂ ମୁର୍ଶିଦାବାଦରୁ ଆସୁଥିବା ଲୋକଙ୍କ ସଂଖ୍ୟା ଅଧିକ । ଦିଲ୍ଲୀ, ମୁମ୍ବାଇ, କେରଳ, ଚେନ୍ନାଇ ଏବଂ ସୁରଟରୁ ଲୋକମାନେ ମୁସଲିମ ବହୁଳ ଜିଲ୍ଲାଗୁଡ଼ିକରେ ଥିବା ନିଜ ଘରକୁ ଫେରୁଛନ୍ତି ।
ସୂଚନାନୁଯାୟୀ,ଭୋଟ ନ ଦେଲେ ସେମାନଙ୍କ ନାମ କାଟି ଦିଆଯିବ ବୋଲି ଧମକ ଦେଇ ଅନେକ ଲୋକଙ୍କୁ ବଙ୍ଗଳାକୁ ପ୍ରଲୋଭିତ କରାଯାଉଛି । ଦିଲ୍ଲୀ ଏବଂ ମୁମ୍ବାଇ ସମେତ ଅନେକ ସହରର ରେଳ ଷ୍ଟେସନଗୁଡ଼ିକ ଭିଡ଼ ଜମିଛି । ଖାସ୍ କରି ଟ୍ରେନ୍ ମାଧ୍ୟମରେ ଅନେକ ଲୋକ ବଙ୍ଗଳାକୁ ଯାତ୍ରା କରୁଛନ୍ତି । ଯାହାକୁ ନେଇ ଲୋକଙ୍କ ମଧ୍ୟରେ ଆତଙ୍କ ରହିଛି । ଏହି ଧମକ ବଙ୍ଗଳା ବାହାରେ ରହୁଥିବା ଲୋକଙ୍କୁ ମିଳୁଛି ବୋଲି ଜଣାପଡିଛି । ଏଥିସହ ସେମାନଙ୍କୁ କୁହାଯାଉଛି ଯେ, ଯଦି ସେମାନେ ଭୋଟ ନ ଦିଅନ୍ତି, ତେବେ ସେମାନଙ୍କ ନାମ ଲିଭାଇ ଦିଆଯିବ । ଯାହା ଆତଙ୍କର ସବୁଠାରୁ ବଡ଼ କାରଣ । ଏହି ଧମକ ଆସିବା ପରେ ବଙ୍ଗଳାବାସୀମାନେ ସେମାନଙ୍କ ଘରକୁ ଫେରି ଯାଇଥିବା ଦେଖିବାକୁ ମିଳିଛି । ସେଥିପାଇଁ ଷ୍ଟେସନରେ ଲୋକଙ୍କ ଭିଡ଼ ଜମା ହୋଇଛି । ସେମାନଙ୍କ ମଧ୍ୟରୁ ଅଧିକାଂଶ ଲୋକ ଦିଲ୍ଲୀ, ମୁମ୍ବାଇ, କେରଳ, ଚେନ୍ନାଇ ଏବଂ ସୁରଟ ଭଳି ସହରରୁ ବଙ୍ଗଳାକୁ ଫେରୁଛନ୍ତି । ସେମାନେ ସେମାନଙ୍କର ମତାଧିକାର ପ୍ରୟୋଗ ନ କରନ୍ତି, ତେବେ ସେମାନେ ଆଧାର କାର୍ଡ/ରାସନ କାର୍ଡ ପାଇପାରିବେ ନାହିଁ, ଏବଂ ସେମାନେ ବ୍ୟାଙ୍କ ଆକାଉଣ୍ଟ ଖୋଲିପାରିବେ ନାହିଁ ବୋଲି ମଧ୍ୟ ଲୋକମାନେ ଭୟ କରୁଛନ୍ତି ।
ଅନ୍ୟପଟେ ଷ୍ଟେସନରେ ଲୋକଙ୍କ ଭିଡ଼ ଜମା ହୋଇଥିବାରୁ ଏହାକୁ ନିୟନ୍ତ୍ରଣ କରିବାକୁ ପୋଲିସ ଲାଠିଚାର୍ଜ କରିଥିଲା । କିଛି ଯାତ୍ରୀ ବ୍ୟାରିକେଡ୍ ଉପରେ ଚଢ଼ି ଏବଂ ଡେଇଁ ଷ୍ଟେସନରେ ପ୍ରବେଶ କରିବାକୁ ଚେଷ୍ଟା କରୁଥିଲେ, ଯାହା ଫଳରେ ଦଳାଚକଟା ହେବାର ଆଶଙ୍କା ସୃଷ୍ଟି ହୋଇଥିଲା । ଏହାକୁ ରୋକିବା ପାଇଁ, ପୋଲିସ ବ୍ୟାରିକେଡ୍ ଉପରେ ଲାଠିଚାର୍ଜ କରିଥିଲା ।