ଅନ୍ୟପକ୍ଷରେ, ଉପସଭାପତି ପଦବୀର ଫଳାଫଳ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ପୂର୍ବରୁ ଏନଏସୟୁଆଇର ସଦସ୍ୟ ଥିବା ଦୀପାଂଶୁ ସୋକିନ୍ ଚଳିତ ଥର ସ୍ୱାଧୀନ ଭାବେ ନିର୍ବାଚନ ମଇଦାନକୁ ଓହ୍ଲାଇଥିଲେ । ସେ ସର୍ବାଧିକ ୩୦,୬୧୫ ଖଣ୍ଡ ଭୋଟ୍ ପାଇ ଏକ ବିପୁଳ ବିଜୟ ହାସଲ କରିଛନ୍ତି । ଏବିଭିପିର ଈଶୁ ମୌର୍ଯ୍ୟ ୧୬,୯୧୦ ଖଣ୍ଡ ଭୋଟ୍ ପାଇ ଦ୍ୱିତୀୟ ସ୍ଥାନରେ ରହିଥିଲେ। ସବୁଠୁ ଖାସ୍ କଥା ହେଉଛି, ନୂତନ ଉପସଭାପତି ଦୀପାଂଶୁଙ୍କ ପରିବାର ଏକ ସାଧାରଣ ଆର୍ଥିକ ପୃଷ୍ଠଭୂମିରୁ ଆସିଛନ୍ତି; ତାଙ୍କ ପିତା ଜଣେ ବସ୍ କଣ୍ଡକ୍ଟର ହୋଇଥିବା ବେଳେ ମାଆ ଜଣେ ଅଙ୍ଗନୱାଡ଼ି କର୍ମୀ ଭାବେ କାର୍ଯ୍ୟ କରନ୍ତି। ଦିଲ୍ଲୀ ବିଶ୍ୱବିଦ୍ୟାଳୟ ପରି ଏକ ବୃହତ୍ ପରିସରରେ ତାଙ୍କର ଏହି ନିଆରା ସଫଳତା ସାଧାରଣ ବର୍ଗର ଛାତ୍ରମାନଙ୍କ ପାଇଁ ଏକ ପ୍ରେରଣା ପାଲଟିଛି ।
ନିର୍ବାଚନ ଫଳାଫଳ ଆନୁଷ୍ଠାନିକ ଭାବେ ଘୋଷଣା ହେବା ପୂର୍ବରୁ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଶାନ୍ତିଶୃଙ୍ଖଳା ବଜାୟ ରଖିବା ପାଇଁ ସଜାଗ ଥିଲେ । ଦିଲ୍ଲୀ ହାଇକୋର୍ଟଙ୍କ କଡ଼ା ନିର୍ଦ୍ଦେଶକ୍ରମେ ବିଜୟୀ ପ୍ରାର୍ଥୀ ଓ ସେମାନଙ୍କ ସମର୍ଥକମାନଙ୍କୁ କ୍ୟାମ୍ପସ୍ ଭିତରେ ବା ବାହାରେ କୌଣସି ପ୍ରକାରର ବିଜୟ ଶୋଭାଯାତ୍ରା ନ ବାହାର କରିବାକୁ ନିର୍ବାଚନ ଅଧିକାରୀମାନେ ପରାମର୍ଶ ଦେଇଛନ୍ତି ।