ତ୍ରିସୁର: ତାମିଲନାଡୁର ତ୍ରିସୁର ରେଳ ଷ୍ଟେସନରେ ରବିବାର ଦିନ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଯାହା ଫଳରେ ଷ୍ଟେସନର ପାର୍କିଂରେ ଥିବା ୫୦୦ରୁ ଅଧିକ ଦୁଇଚକିଆ ଯାନ ପୋଡ଼ି ଯାଇଛି।
ତେବେ ଏହି ଘଟଣା ପ୍ଲାଟଫର୍ମ ନମ୍ବର ୨ ନିକଟରେ ସକାଳ ପ୍ରାୟ ୬.୪୫ ସମୟରେ ଘଟିଥିବା ରିପୋର୍ଟରୁ ଜଣାପଡିଛି। ଏହି ଘଟଣା ଫଳରେ ଯାତ୍ରୀ ଏବଂ ନିକଟରେ ରହୁଥିବା ବାସିନ୍ଦାଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା। ନିଆଁ ଖୁବ୍ ଶୀଘ୍ର ସେହି ସ୍ଥାନରେ ଥିବା ପାର୍କିଂ ଅଞ୍ଚଳରେ ବ୍ୟାପି ଯାଇଥିଲା। ଯେଉଁଠାରେ ସାଧାରଣତଃ ପ୍ରତିଦିନ ପ୍ରାୟ ୫୦୦ ରୁ ଅଧିକ ମୋଟରସାଇକେଲ ଏବଂ ସ୍କୁଟର ପାର୍କିଂ କରାଯାଏ। ଗାଡ଼ିରେ ଥିବା ପେଟ୍ରୋଲ ଯୋଗୁଁ ନିଆଁ ଶୀଘ୍ର ବ୍ୟାପିଯାଇଥିବା ଅନୁମାନ କରାଯାଉଛି।