ଭଦ୍ରକ: ଲାଟିନ ଭିତରୁ ଉଦ୍ଧାର ହେଲା ମାଳ ମାଳ ନାଗ । ଗୋଟିଏ ବଡ଼ ନାଗ ସହିତ ୨୯ଟି ଛୋଟ ନାଗ ସାପ ଉଦ୍ଧାର । ଭଦ୍ରକ ବନ୍ତ ଥାନା ତରାଗ ନାୟକ ସାହିର ସୁରେନ୍ଦ୍ର ସାମଲଙ୍କ ଘରୁ ବାହାରିଛି ସାପ । ଘର ବାହାରେ ଥିବା ଲାଟିନ ଭିତରୁ ନାଗ ସାପକୁ ଉଦ୍ଧାର କରାଯାଇଛି । ସୁରେନ୍ଦ୍ର ଶୌଚ ହେବାକୁ ଯାଇଥିବା ବେଳେ ଲାଟିନି ଭିତରେ ସାପ ଦେଖିଥିଲେ । ଏହାପରେ ଭୟଭୀତ ହୋଇ ତୁରନ୍ତ ସାପ ଧରାଳି ମିର୍ଜା ଆରିଫଙ୍କୁ ଖବର ଦେଇଥିଲେ । ମିର୍ଜା ନାଗୁଣୀ ସହିତ ୨୯ଟି ନାଗ ଛୁଆଙ୍କୁ ଉଦ୍ଧାର କରିଛନ୍ତି । ପରେ ସାପ ଗୁଡିକୁ ହଦ ଗଡ଼ ଜଙ୍ଗଲରେ ଛାଡି ଦିଆଯାଇଛି ।
ଅନ୍ୟପଟେ, ଯାଜପୁର ଦଶରଥପୁର ବ୍ଲକ ଜୟନ୍ତରା ପଞ୍ଚାୟତ ଚନ୍ଦୁକୁଡା ଗାଁରୁ ୨୩ ନାଗ ଛୁଆ ଉଦ୍ଧାର ହୋଇଛି । ଗୌରାଙ୍ଗ ଜେନାଙ୍କ ବେଡ୍ ରୁମ୍ ରୁ ୨୩ଟି ନାଗଛୁଆ ଉଦ୍ଧାର ହୋଇଛି । ସୋମବାର ରାତିରେ ଗୌରାଙ୍ଗ ଜେନା ତାଙ୍କ ଶୋଇବା ଘରେ ଏକ ଛୋଟ ସାପ ବୁଲୁଥିବା ଦେଖି ତାକୁ ଘଉଡ଼ାଇବାକୁ ଚେଷ୍ଟା କରିଥିଲେ ।