ଭୋପାଳ: ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ଆଜି କଂଗ୍ରେସ ପକ୍ଷରୁ ଇସ୍ତାହାର ପ୍ରକାଶ କରାଯାଇଛି | କଂଗ୍ରେସ ଦଳ ପକ୍ଷରୁ ଏହାର ନିର୍ବାଚନୀ ଇସ୍ତାହାରକୁ ‘ବଚନ ପତ୍ର’ ବୋଲି ନାମ ଦେଇଛି | ତେବେ କଂଗ୍ରେସର ବଚନ ପତ୍ରକୁ ନେଇ ଭାରତୀୟ ଜନତା ପାର୍ଟି କହିଛି ଯେ କଂଗ୍ରେସ ଦେଉଥିବା ପ୍ରତିଶ୍ରୁତି ସବୁ ମିଥ୍ୟା | ବିଜେପି ନେତା ତଥା ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ କଂଗ୍ରେସର ବଚନ ପତ୍ର ବାସ୍ତବରେ ଏକ ମିଥ୍ୟା ପତ୍ର | ୫ ବର୍ଷ ପୂର୍ବେ ମଧ୍ୟ କଂଗ୍ରେସ ଜନସାଧାରଣଙ୍କୁ ୯୦୦ରୁ ଅଧିକ ପ୍ରତିଶ୍ରୁତି ଦେଇଥିଲା, ସେଥିମଧ୍ୟରୁ ୯ଟି ମଧ୍ୟ ପୂରଣ ହୋଇନଥିଲା। ଆଜି ସେମାନେ ପୁଣି ଏକ ମିଥ୍ୟା ଇସ୍ତାହାର ଉପସ୍ଥାପନ କରିଛନ୍ତି। ଜନସାଧାରଣ କଂଗ୍ରେସର ସତ୍ୟତା ଜାଣିଛନ୍ତି, ତେଣୁ ଏହାକୁ ନେଇ ଦ୍ୱନ୍ଦ୍ୱରେ ପଡ଼ିବେ ନାହିଁ।
୨୦୧୮ ବିଧାନସଭା ନିର୍ବାଚନ ସମ୍ପର୍କରେ ମୁଖ୍ୟମନ୍ତ୍ରୀ କହିଛନ୍ତି ଯେ ପାଞ୍ଚ ବର୍ଷ ପୂର୍ବେ ମଧ୍ୟ କଂଗ୍ରେସ ମଧ୍ୟପ୍ରଦେଶବାସୀଙ୍କୁ ପ୍ରତିଶୃତି ଦେଇଥିଲା, କିନ୍ତୁ ଯେତେବେଳେ ସରକାର ଗଠନ ହେଲା, ଗୋଟିଏ ବି ପ୍ରତିଶୃତି ପୂରଣ ହେଲା ନାହିଁ | ସେ ଅଭିଯୋଗ କରିଛନ୍ତି ଯେ କଂଗ୍ରେସ ଜନସାଧାରଣଙ୍କୁ ମିଛ କହୁଛି। କିନ୍ତୁ ପ୍ରକୃତ କଥା ହେଉଛି କଂଗ୍ରେସ କର୍ମୀଙ୍କ ମିଥ୍ୟା ପ୍ରତିଜ୍ଞା ବିଜେପିର ଜନ କଲ୍ୟାଣ ତଥା ବିକାଶ ଆଗରେ ଠିଆ ହୋଇପାରିବ ନାହିଁ। ଜନସାଧାରଣ ସେମାନଙ୍କୁ ଉତ୍ତର ଦେବେ। ବିଜେପି ପୁଣି ଜିତିବ ଏବଂ ବହୁ ସଂଖ୍ୟାରେ ଜିତିବ। କାରଣ ଆମେ ଯାହା କହିଥାଉ ତାହା କରିଥାଉ | ଉଲ୍ଲେଖ ଥାଉ କି କଂଗ୍ରେସର ଇସ୍ତାହାରରେ କୁହାଯାଇଥିଲା ଯେ ଆମେ କୃଷକମାନଙ୍କୁ ଗହମ ପାଇଁ କ୍ୱିଣ୍ଟାଲ ପିଛା ୨୬୦୦ ଏବଂ ଧାନ ପାଇଁ କ୍ୱିଣ୍ଟାଲ ପିଛା ୨୫୦୦ ଟଙ୍କା ଦେବୁ |
