୨୦୨୫ରେ ମଧ୍ୟ ୧୯୮୪ ଦଙ୍ଗା ସମ୍ପର୍କିତ ଅନ୍ୟ ଏକ ହତ୍ୟା ମାମଲାରେ ତାଙ୍କୁ ଦ୍ୱିତୀୟ ଆଜୀବନ ଦଣ୍ଡାଦେଶ ହୋଇଥିଲା। ଅନ୍ୟ ଏକ ମାମଲାରେ ତାଙ୍କୁ ଖଲାସ କରାଯାଇଥିଲା।
ସଜ୍ଜନ କୁମାରଙ୍କ ଜନ୍ମ ୨୩ ସେପ୍ଟେମ୍ବର ୧୯୪୫ରେ ଦିଲ୍ଲୀରେ ହୋଇଥିଲା। ମାଟ୍ରିକ୍ ପର୍ଯ୍ୟନ୍ତ ପାଠପଢ଼ିଥିବା ସଜ୍ଜନ କୁମାର ୧୯୭୭ରେ ଦିଲ୍ଲୀ ମ୍ୟୁନିସିପାଲ କର୍ପୋରେସନର କାଉନସିଲର ଭାବେ ରାଜନୀତିରେ ପ୍ରବେଶ କରିଥିଲେ। ପରେ ସେ ଦିଲ୍ଲୀ ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ହୋଇଥିଲେ।
୧୯୮୦ରେ ସେ ପ୍ରଥମଥର ପାଇଁ ବାହ୍ୟ ଦିଲ୍ଲୀ ଲୋକସଭା ଆସନରୁ ସାଂସଦ ନିର୍ବାଚିତ ହୋଇଥିଲେ। ପରବର୍ତ୍ତୀ ସମୟରେ ୧୯୯୧ ଓ ୨୦୦୪ରେ ମଧ୍ୟ ସେହି ନିର୍ବାଚନମଣ୍ଡଳୀରୁ ସାଂସଦ ହୋଇଥିଲେ। ସଂସଦରେ ସେ ସହରାଞ୍ଚଳ ବିକାଶ ଓ ସାଂସଦ ସ୍ଥାନୀୟ କ୍ଷେତ୍ର ବିକାଶ ଯୋଜନା ସମ୍ପର୍କିତ କମିଟିରେ କାର୍ଯ୍ୟ କରିଥିଲେ।୧୯୮୪ ଦଙ୍ଗା ମାମଲାରେ ଦଣ୍ଡାଦେଶ ପରେ ତାଙ୍କ ରାଜନୈତିକ ଜୀବନରେ ବଡ଼ ପ୍ରଭାବ ପଡ଼ିଥିଲା। ଆଜୀବନ କାରାଦଣ୍ଡ ପରେ ସଜ୍ଜନ କୁମାର ୨୦୧୮ ଡିସେମ୍ବରରେ କଂଗ୍ରେସ ଛାଡ଼ିଥିଲେ।