ଏହି ସମୟରେ ଗୌତମଙ୍କ ପୁଅ ଟିକେଶ୍ୱର ଘଟଣାସ୍ଥଳରେ ପହଞ୍ଚିଥିଲେ। ଅଭିଯୋଗ ଅନୁଯାୟୀ, ବଚସା ମଧ୍ୟରେ ବିଜୟ ଉତ୍ତ୍ୟକ୍ତ ହୋଇ ଘରୁ ଏକ ଛୁରୀ ଆଣି ବାପା-ପୁଅଙ୍କ ଉପରେ ଆକ୍ରମଣ କରିଥିଲେ। ଛୁରାମାଡ଼ରେ ଗୌତମଙ୍କ ପେଟରେ ଗଭୀର ଆଘାତ ଲାଗିଥିବାବେଳେ ଟିକେଶ୍ୱରଙ୍କ ପିଠିରେ ଆଘାତ ଲାଗିଥିଲା।
ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରି ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ତେବେ ଡାକ୍ତର ଗୌତମ ସାହୁଙ୍କୁ ମୃତ ଘୋଷଣା କରିଥିଲେ। ଗୁରୁତର ଟିକେଶ୍ୱରଙ୍କୁ ଉତ୍ତମ ଚିକିତ୍ସା ପାଇଁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।ଘଟଣା ପରେ ବାରକୋଟ ପୁଲିସ ହତ୍ୟା ଅଭିଯୁକ୍ତ ବିଜୟ ନାଏକଙ୍କୁ ଅଟକ ରଖିବା ସହ ଘଟଣା ପୁଲିସ ଅଧିକ ତଦନ୍ତ ଜାରି ରଖିଛି।