ଏହି ଅଭିଯୋଗକୁ ଭିତ୍ତି କରି ପୋଲିସ ତୁରନ୍ତ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଥିଲା। ଘଟଣା ସାମ୍ନାକୁ ଆସିବା ପରେ ମୁଖ୍ୟ ଅଭିଯୁକ୍ତ ଜସପ୍ରୀତ ଫେରାର ହୋଇଯାଇଥିଲେ। ତେବେ ଗତ ଅଗଷ୍ଟ ତିନି ତାରିଖ ଦିନ ପୋଲିସର ଏକ ସ୍ୱତନ୍ତ୍ର ଟିମ୍ ତାଙ୍କୁ ପଡୋଶୀ ରାଜ୍ୟ ପଶ୍ଚିମବଙ୍ଗର କୋଲକାତାରୁ ଠାବ କରିବାରେ ସଫଳ ହୋଇଥିଲା। ଜସପ୍ରୀତଙ୍କୁ ଜେରା କରିବା ପରେ ଏହି ଜାଲିଆତିରେ ତାଙ୍କ ବାପା ବିକ୍ରମ ସିଂହଙ୍କର ମଧ୍ୟ ସମ୍ପୃକ୍ତି ଥିବା ପୋଲିସ ଜାଣିବାକୁ ପାଇଥିଲା। ପ୍ରମାଣ ଯୋଗାଡ଼ କରିବା ପରେ ଗୁରୁବାର ଦିନ ପୋଲିସ ବିକ୍ରମଙ୍କୁ ମଧ୍ୟ ଗିରଫ କରିଛି।
ବଡ଼ବିଲ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଉଭୟ ଅଭିଯୁକ୍ତଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଛି। ଏତେ ବଡ଼ ପରିମାଣର ଅର୍ଥ କିପରି ହେରଫେର ହେଲା ଏବଂ ଏଥିରେ ବ୍ୟାଙ୍କର ଅନ୍ୟ କୌଣସି କର୍ମଚାରୀ ସମ୍ପୃକ୍ତ ଅଛନ୍ତି କି ନାହିଁ ସେ ନେଇ ପୋଲିସର ଖୋଳତାଡ଼ ଜାରି ରହିଛି।