ବ୍ରହ୍ମପୁର : ବିକ୍ରମ ପଣ୍ଡା ଓ ସୁଶାନ୍ତଙ୍କ ଭଏସ ଟେଷ୍ଟ ପାଇଁ ଥାନାକୁ ଡାକରା । ବ୍ରହ୍ମପୁର ଜେଲରୁ ସାକ୍ଷୀଙ୍କ ସହ ବାର୍ତ୍ତାଳାପ ତଥା ଧମକ ଦେଇଥିବା ମାମଲାରେ ପୂର୍ବତନ ବିଧାୟକ ବିକ୍ରମ କୁମାର ପଣ୍ଡା ଓ ତତ୍ କାଳୀନ ଜେଲ ଡାକ୍ତର ସୁଶାନ୍ତ ପାଣିଗ୍ରାହୀଙ୍କ ଅଡିଓ ପରୀକ୍ଷା ପାଇଁ ବୟାନ ରେକର୍ଡ କରିଛି ପୋଲିସ।
ଗୋଷାଣୀ ନୂଆଗାଁ ଥାନାରେ ଓକିଲ ଓ ପୋଲିସ ଅଧିକାରୀଙ୍କ ଉପସ୍ଥିତିରେ ଉଭୟଙ୍କୁ କରାଯାଉଛି ମୁହାଁମୁହିଁ ଜେରା। ଏହା ପରେ ଭଏସ ନମୁନା ସଂଗ୍ରହ କରି ଭୁବନେଶ୍ୱର ଷ୍ଟେଟ ଫୋରେନସିକ ଲାବକୁ ପଠାଯିବ l ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ବିକ୍ରମ ପଣ୍ଡା ଗିରଫ ହୋଇ ସେପ୍ଟେମ୍ବର ୧ରେ ଜାମିନରେ ବାହାରିଥିଲେ l
ତେବେ ମାମଲା ର ସାକ୍ଷୀ ଥିବା ଲଳିତ ମଙ୍ଗରାଜ ସେପ୍ଟେମ୍ବର 10 ରେ ଗୋଷାଣୀନୂଆଗାଁ ଥାନାରେ ଅଭିଯୋଗ କରିଥିଲେ, ଜେଲ ଡାକ୍ତର ସୁଶାନ୍ତ ପାଣିଗ୍ରାହୀଙ୍କ ମୋବାଇଲରୁ ବିକ୍ରମ ପଣ୍ଡା ଓ ମଦନ ଦଳେଇ ଅଗଷ୍ଟ ୨୮ତାରିଖ ରେ ଫୋନ କରି କୁଆଡେ ଧମକ ଦେଇଥିଲେ । ଏହାର ତଦନ୍ତ କରି ଜେରା ପାଇଁ ପୋଲିସ ବିକ୍ରମ ଓ ସୁଶାନ୍ତ ଙ୍କୁ ଗତ ଅକ୍ଟୋବର ୬ରେ ଥାନାକୁ ଡାକିଥିଲେ l ଆଜି ପୁଣି ଥରେ ଉଭୟଙ୍କୁ ଡକା ଯାଇଛି l