ସେହିପରି ପାନୀୟ ଜଳ ବ୍ୟତୀତ ଏହି ସଂରକ୍ଷିତ ଜଳ ଅଞ୍ଚଳର ପଶୁପାଳନ, ମତ୍ସ୍ୟଚାଷ, ଭୂତଳ ଜଳ ସ୍ତରର ବୃଦ୍ଧି ଏବଂ ସ୍ଥାନୀୟ ପରିବେଶର ସନ୍ତୁଳନ ରକ୍ଷା କରିବାରେ ବେଶ୍ ସହାୟକ ହେବ। ସୂଚନାଯୋଗ୍ୟ ଯେ, ଏହା ପୂର୍ବରୁ ଅକ୍ଟୋବର ମାସରେ ମଧ୍ୟ ବଲାଙ୍ଗୀରର ସାଇଁତଲା ବ୍ଲକରେ ତୁସ୍ତାପାଲିଠାରେ ଲାନ୍ଥ ନଦୀ ଉପରେ ଅନ୍ୟ ଏକ ୧୦୫.୬୨ କୋଟି ଟଙ୍କାର ଇନ୍-ଷ୍ଟ୍ରିମ୍ ପ୍ରକଳ୍ପକୁ ରାଜ୍ୟ ସରକାର ମଞ୍ଜୁରୀ ଦେଇଥିଲେ।
ଭୁବନେଶ୍ୱର: ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟ୍ ବୈଠକରେ ବଲାଙ୍ଗୀର ଜିଲ୍ଲାରେ ୯୯.୯୯ କୋଟି ଟଙ୍କାର (ପ୍ରାୟ ୧୦୦ କୋଟି) ଏକ ‘ଇନ୍-ଷ୍ଟ୍ରିମ୍ ଷ୍ଟୋରେଜ୍ ପ୍ରକଳ୍ପ’ (In-Stream Storage Structure) ର ନିର୍ମାଣ ଟେଣ୍ଡରକୁ ମଞ୍ଜୁରୀ ପ୍ରଦାନ କରାଯାଇଛି। ବଲାଙ୍ଗୀର ଜିଲ୍ଲା ତିତିଲାଗଡ଼ ବ୍ଲକର ପାଥର୍ଲା ଗ୍ରାମ ନିକଟରେ ତେଲ ନଦୀର ଉପନଦୀ ଇନ୍ଦ୍ର/ସୁନ୍ଦର ନଦୀ ଶଯ୍ୟାରେ ଏହି ପ୍ରକଳ୍ପ ନିର୍ମାଣ କରାଯିବ।