ନୂଆଦିଲ୍ଲୀ : ଏୟାର ଇଣ୍ଡିଆ ଅନ୍ତର୍ଜାତୀୟ ଯାତ୍ରୀଙ୍କୁ ବଡ଼ ଝଟକା ଦେଇଛି । ମଧ୍ୟପ୍ରାଚ୍ୟରେ ଚାଲିଥିବା ସଙ୍କଟ ଯୋଗୁଁ ସାରା ବିଶ୍ୱରେ ଇନ୍ଧନ ଅଭାବ ସୃଷ୍ଟି ହୋଇଛି । ଯାହା ଜେଟ୍ ଇନ୍ଧନ ମୂଲ୍ୟକୁ ମଧ୍ୟ ପ୍ରଭାବିତ କରିଛି । ଏୟାର ଇଣ୍ଡିଆ ଜୁନ୍ ମାସରୁ ତିନି ମାସ ପାଇଁ ଅନେକ ଅନ୍ତର୍ଜାତୀୟ ବିମାନ ଉଡ଼ାଣ ବନ୍ଦ କରିବାର ଘୋଷଣା କରିଛି । ଦିଲ୍ଲୀରୁ ଯେଉଁ ଅନ୍ତର୍ଜାତୀୟ ବିମାନ ଉଡ଼ାଣ ହ୍ରାସ କରାଯାଇଛି ସେଥିରେ ଚିକାଗୋ ଏବଂ ନ୍ୟୁୟର୍କ, ସିଙ୍ଗାପୁର ଏବଂ ସାଂଘାଇ ଭଳି ପ୍ରମୁଖ ସ୍ଥାନ ରହିଛି ।
ଏୟାର ଇଣ୍ଡିଆ ସାନ ଫ୍ରାନ୍ସିସ୍କୋ, ପ୍ୟାରିସ ଏବଂ ଟୋରଣ୍ଟୋ ଭଳି ପ୍ରମୁଖ ସହରଗୁଡ଼ିକୁ ମଧ୍ୟ ବିମାନ ଉଡ଼ାଣ ହ୍ରାସ କରିଛି । ଏୟାର ଇଣ୍ଡିଆ ପ୍ରତିଦିନ ପ୍ରାୟ ୧୦୦ଟି ବିମାନ ଉଡ଼ାଣ ହ୍ରାସ କରିଥିବା ଜଣାପଡ଼ିଛି । ବଢୁଥିବା ଆର୍ଥିକ ଚାପ ଏବଂ ପରିଚାଳନାଗତ ଚ୍ୟାଲେଞ୍ଜର ସମ୍ମୁଖୀନ ହୋଇ, ଏୟାର ଇଣ୍ଡିଆ ଏଭଳି ନିଷ୍ପତ୍ତି ନେଇଛି ।
ଏୟାର ଇଣ୍ଡିଆର ସିଇଓ ୱିଲସନ୍ କର୍ମଚାରୀମାନଙ୍କୁ କହିଥିଲେ ଯେ, ଏୟାରଲାଇନ୍ସ କର୍ମଚାରୀମାନଙ୍କୁ ଅନେକ ଉଲ୍ଲଂଘନରେ ଜଡିତ କର୍ମଚାରୀମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ଛଟେଇ କରିଛି । ଯେଉଁଥିରେ କର୍ମଚାରୀ ଲିଜର ଟ୍ରାଭେଲ୍ ସିଷ୍ଟମର ଅପବ୍ୟବହାର, ବିମାନରେ ସାମଗ୍ରୀ ଚୋରା ଚାଲାଣ ଏବଂ ଉପଯୁକ୍ତ ଶୁଳ୍କ ବିନା ଅତିରିକ୍ତ ସାମଗ୍ରୀ ନେବାକୁ ଅନୁମତି ଦେବା ଘଟଣା ରହିଛି ।