ଭୁବନେଶ୍ୱର: ଦକ୍ଷିଣ-ପଶ୍ଚିମ ମୌସୁମୀ ଗୁରୁବାର ଦିନ ସମଗ୍ର ଦେଶରୁ ପ୍ରତ୍ୟାହାର ହୋଇଥିବା ନେଇ ଭାରତୀୟ ପାଣିପାଗ ବିଭାଗ (ଆଇଏମଡି) କହିଛି।
ସେହି ସମୟରେ ଉତ୍ତର-ପୂର୍ବ ମୌସୁମୀ ତାମିଲନାଡୁ, ପୁଡୁଚେରୀ ଏବଂ କରିକାଲ, ଉପକୂଳ ଆନ୍ଧ୍ର ପ୍ରଦେଶ, ରାୟଲସୀମା, ଦକ୍ଷିଣ ଆଭ୍ୟନ୍ତରୀଣ କର୍ଣ୍ଣାଟକ ଏବଂ କେରଳ-ମାହେରେ ପ୍ରବେଶ କରିଛି।
ଚଳିତ ବର୍ଷ ମୌସୁମୀ ମେ ୨୪ ତାରିଖରେ କେରଳରେ ପହଞ୍ଚିଥିଲା। ୨୦୦୯ ପରଠାରୁ ଭାରତୀୟ ମୁଖ୍ୟଭୂମିରେ ଏହାର ଖୁବଶୀଘ୍ର ପ୍ରବେଶ କରିଥିଲା। ଏହା ଜୁଲାଇ ୮ ଆକଳନ ତାରିଖର ନଅ ଦିନ ପୂର୍ବରୁ ସମଗ୍ର ଦେଶକୁ ଆଚ୍ଛାଦିତ କରିଥିଲା। ସାଧାରଣତଃ ଏହା ଜୁନ୍ ୧ ସୁଦ୍ଧା କେରଳରେ ପ୍ରବେଶ କରେ ଏବଂ ଜୁଲାଇ ୮ ସୁଦ୍ଧା ସମଗ୍ର ଦେଶକୁ ଆଚ୍ଛାଦିତ କରେ।
ସେହିପରି ସେପ୍ଟେମ୍ବର ୧୭ ସୁଦ୍ଧା ଉତ୍ତର-ପଶ୍ଚିମ ଭାରତରୁ ପ୍ରତ୍ୟାହାର ଆରମ୍ଭ କରେ ଏବଂ ଅକ୍ଟୋବର ୧୫ ସୁଦ୍ଧା ଦେଶରୁ ସମ୍ପୂର୍ଣ୍ଣ ପ୍ରତ୍ୟାହାର ହୋଇଥାଏ।
