ମନ୍ଦିର କମିଟି ସୂଚନା ଅନୁଯାୟୀ, ବଦ୍ରିନାଥ ଧାମରେ ଦାନ ଗଣତି ଏକ ନିର୍ଦ୍ଧାରିତ ଓ ସ୍ୱଚ୍ଛ ପ୍ରକ୍ରିୟା ଅନୁଯାୟୀ କରାଯାଏ। ଦାନ ବାକ୍ସ ଖୋଲିବା ସମୟରେ ବ୍ୟାଙ୍କ କର୍ମଚାରୀ, ମନ୍ଦିର କମିଟିର ଅଧିକାରୀ, ପ୍ରୋଟୋକଲ ଅଧିକାରୀ ଓ ଅନ୍ୟ ଅନୁମୋଦିତ ସଦସ୍ୟମାନେ ଉପସ୍ଥିତ ରୁହନ୍ତି।
ବିକେଟିସି କହିଛି, ତଦନ୍ତ ପ୍ୟାନେଲ ସମସ୍ତ ପ୍ରମାଣ, ସିସିଟିଭି ଫୁଟେଜ୍, ସମ୍ପର୍କିତ ଦସ୍ତାବିଜ ଓ ସାକ୍ଷ୍ୟ ଯାଞ୍ଚ କରି ରିପୋର୍ଟ ଦାଖଲ କରିବ। ଯଦି କୌଣସି ଅନିୟମିତତା ପ୍ରମାଣିତ ହୁଏ, ତେବେ ଶ୍ରୀ ବଦ୍ରିନାଥ-କେଦାରନାଥ ମନ୍ଦିର କମିଟି ଆଇନ, ୧୯୩୯ ଏବଂ ପ୍ରଚଳିତ କର୍ମଚାରୀ ଆଚରଣ ବିଧି ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ।
ତଦନ୍ତ ଶେଷ ହେବା ପର୍ଯ୍ୟନ୍ତ ଅଭିଯୋଗକୁ ସତ୍ୟ ବୋଲି ଧରିନେବା ଉଚିତ୍ ନୁହେଁ ବୋଲି ମନ୍ଦିର କମିଟି ଅନୁରୋଧ କରିଛି। କୋଟି କୋଟି ଭକ୍ତଙ୍କ ଧାର୍ମିକ ଭାବାବେଗ ସହ ଏହି ଧାମ ଜଡ଼ିତ ଥିବାରୁ ସମସ୍ତଙ୍କୁ ଧୈର୍ଯ୍ୟ ରଖିବାକୁ କୁହାଯାଇଛି।