ଭୁବନେଶ୍ୱର : ମବ ଲିଞ୍ଚିଂ ଘଟଣା ପରେ ଆକ୍ସନ ମୋଡ଼ରେ ପୋଲିସ । ଅସାମାଜିକ ଓ ଅପରାଧୀଙ୍କ ବିରୋଧରେ NSA । ଅପରାଧୀଙ୍କ ଜାଗା ଓଡ଼ିଶାରେ ନାହିଁ ବୋଲି କହିଛନ୍ତି ଡିଜିପି ୱାଇ.ବି.ଖୁରାନିଆ । ଅପରାଧୀଙ୍କ ଉପରେ କଡା ନଜର ରଖିବାକୁ ସମସ୍ତ ଏସପିଙ୍କୁ ଡିଜିପି ନିର୍ଦ୍ଦେଶ ଦେଇଛନ୍ତି । ଅସାମାଜିକ, ହାର୍ଡକୋର ଅପରାଧୀଙ୍କୁ ବାନ୍ଧି ଭିତରେ ରଖିବାକୁ କହିଛନ୍ତି । ମବ ଲିଞ୍ଚିଂ ଘଟଣା ପରେ ସବୁ ଥାନାରେ ସକାଳୁ ବ୍ରିଫିଙ୍ଗ ନେଉଛନ୍ତି ଥାନା ଅଧିକାରୀ I
କେଉଁଠି କଣ ଘଟଣା ଘଟୁଛି ଥାନା ଅଧିକାରୀ ଜାଣିବା ସହ ଏସପି ଓ ଡିସିପିଙ୍କୁ ଅବଗତ କରାଉଛନ୍ତି I ଯେଉଁଠି ଚୋରା ଗଞ୍ଜେଇ ଚାଲାଣ ଓ ନିଶା କାରବାର ହେଉଛି ସେମାନଙ୍କୁ ଗିରଫ କରିବା ସହ ଆକ୍ସନ ନେବାକୁ କୁହାଯାଇଛି । ହାର୍ଡକୋର୍ ଅପରାଧୀଙ୍କୁ ଏନକାଉଣ୍ଟର କରିବାକୁ କୁହାଯାଇଛି । ଅସ୍ତ୍ରଶସ୍ତ୍ର କାରବାର କରୁଥିବା ବ୍ୟକ୍ତିଙ୍କ ଉପରେ ନଜର ରଖାଯାଇଛି ।
ସ୍ପେଶାଲ ଡ୍ରାଇଭ ଆହୁରି ୧୦ ଦିନ ଚାଲିବ I ସବୁ ଥାନାର ଅଧିକାରୀ ଏଥିରେ ସାମିଲ ରହିବେ I ଗତ ୫ ଦିନରେ ବହୁତ ବଡ଼ ସଫଳତା ମିଳିଛି I ବିଭିନ୍ନ ସ୍ଥାନରୁ ଅସ୍ତ୍ରଶସ୍ତ୍ର ମିଳିଛି I ଫେରାର ଅପରାଧୀଙ୍କୁ ଖୋଜା ଚାଲିଛି I ୫ ଦିନରେ ୫୦ଙ୍କୁ ବାନ୍ଧି ଜେଲରେ ରଖାଯାଇଛି I ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି । ମୋଟ ୧୭ ଶହ ୭୧ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା କହିଛନ୍ତି ଡିଜିପି ।