ଭୁବନେଶ୍ୱର : ଗାଡିର ଇଣ୍ଡିକେଟର ଭିତରେ ସୁନା ଚୋରା ଚାଲାଣ । ଭୁବନେଶ୍ୱର ଦେଇ ଚାଲାଣ ବେଳେ ଧରିଲା DRI । କଲିକତାରୁ ହାଇଦ୍ରାବାଦ ଚାଲାଣ ବେଳେ ଧରାପଡିଲା ଚାରି କୋଟି ଟଙ୍କାର ସୁନା ବିସ୍କୁଟ । ଏହି ସୁନା ବିସ୍କୁଟକୁ ଜବତ କରିଛି DRI । କିୟା ସେଲଟ କାର ଇଣ୍ଡିକେଟରରୁ ଜବତ ହେଲା ସୁନା ବିସ୍କୁଟ । ୨୫ଟି ସୁନା ବିସ୍କୁଟ ର ଓଜନ ପ୍ରାୟ ୨କେଜି ୯୮ଗ୍ରାମ । ଏନେଇ ଦୁଇ ଜଣ ଅଭିଯୁକ୍ତ ଙ୍କୁ ଅଟକ ରଖି ପଚରାଉଚରା କରୁଛି DRI ।
ସୁଚନା ମୁତାବକ, ନିର୍ଦ୍ଦିଷ୍ଟ ଗୁଇନ୍ଦା ସୂଚନା ଆଧାରରେ, ଅଧିକାରୀମାନେ ଗତ ୧୯.୧୧.୨୦୨୬ ତାରିଖରେ କୋଲକାତାରୁ ହାଇଦ୍ରାବାଦ ଯାଉଥିବା ଏକ କିଆ ସେଲଟସ୍ (KIA Seltos) ଗାଡ଼ିକୁ ଅଟକାଇଥିଲେ, ଯେଉଁଥିରେ ଦୁଇ ଜଣ ବ୍ୟକ୍ତି ଯାତ୍ରା କରୁଥିଲେ। ୨୦.୧୧.୨୦୨୬ ତାରିଖରେ ଉକ୍ତ ଗାଡ଼ିଟିକୁ ସୂକ୍ଷ୍ମ ଭାବେ ଖୋଲି ଯାଞ୍ଚ କରାଯିବା ସମୟରେ, ଗାଡ଼ିର ପଛ ଟେଲ୍ ଲ୍ୟାମ୍ପ (Tail lamp) ପଛପଟେ ସ୍ୱତନ୍ତ୍ର ଭାବେ ତିଆରି ହୋଇଥିବା ଏକ ଗୁପ୍ତ ସ୍ଥାନ (Cavity) ଭିତରେ ଅତ୍ୟନ୍ତ ଚତୁରତାର ସହ ଲୁଚାଇ ରଖାଯାଇଥିବା ତିନୋଟି ମାଟିଆ ରଙ୍ଗର ଟେପ୍ ଗୁଡ଼ା ପ୍ୟାକେଟ୍ ଉଦ୍ଧାର କରାଯାଇଥିଲା ।
ପ୍ୟାକେଟ୍ଗୁଡ଼ିକୁ ଖୋଲିବା ପରେ ସେଥିରୁ ୨.୯୮ କିଲୋଗ୍ରାମ ଓଜନର ୨୫ଟି ସୁନା ବାର୍ ମିଳିଥିଲା, ଯେଉଁଥିରେ ବିଦେଶୀ ଚିହ୍ନ ଥିବା ବାର୍ ଏବଂ ଚିହ୍ନ ଲିଭାଯାଇଥିବା ବାର୍ ମଧ୍ୟ ସାମିଲ ରହିଛି । ସରକାରୀ ସ୍ୱୀକୃତିପ୍ରାପ୍ତ ସୁନା ମୂଲ୍ୟାଙ୍କନକାରୀଙ୍କ ଦ୍ୱାରା ଯାଞ୍ଚ ପରେ ଜବତ ସୁନା ୨୪ କ୍ୟାରେଟ୍ର ବୋଲି ପ୍ରମାଣିତ ହୋଇଛି ଏବଂ ଏହାର ଆନୁମାନିକ ମୂଲ୍ୟ ପ୍ରାୟ ୩.୮୩ କୋଟି ଟଙ୍କା ଆକଳନ କରାଯାଇଛି ।
