ଅନୁଗୁଳ : ହସ୍ପିଟାଲରେ ନାହାନ୍ତି ନର୍ସ । ସାଲାଇନ ଦେଉଛନ୍ତି ସଫେଇ କର୍ମଚାରୀ । ଅନୁଗୁଳ ଜିଲ୍ଲା ବାଗେଡ଼ିଆ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ସ୍ୱାସ୍ଥ୍ୟାବସ୍ଥାର ବିକଳ ଚିତ୍ର । ବାଗେଡ଼ିଆ ସ୍ୱାସ୍ଥ୍ୟକେନ୍ଦ୍ରକୁ ଜଣେ ମହିଳା ଚିକିତ୍ସା ପାଇଁ ଆସିଥିଲେ । ଡାକ୍ତର ତାଙ୍କୁ କିଛି ଔଷଧ ଓ ସାଲାଇନ ଲେଖିଥିଲେ । ଚିଠା ନେଇ ମହିଳା ଜଣଙ୍କ ୱାର୍ଡକୁ ଯିବା ପରେ ସେଠାରେ ଜଣେ ସଫେଇ କର୍ମଚାରୀ ମହିଳାଙ୍କୁ ବେଡରେ ଶୋଇବାକୁ କହିଥିଲେ । ଏହାପରେ ସଫେଇ କର୍ମଚାରୀହିଁ ତାଙ୍କୁ ସାଲାଇନ ଲଗାଇଥିଲେ ।