ଘଟଣାର ଭିଡ଼ିଓ ଏବେ ମଧ୍ୟ ସାମାଜିକ ଗଣମାଧ୍ୟମରେ ଭାଇରଲ ହେଉଛି । ଯେଉଁଥିରେ ସଶସ୍ତ୍ର ହିଂସାକାରୀ ଘର ଏବଂ ଗାଡ଼ିରେ ନିଆଁ ଲଗାଇ ଦେଉଥିବା ଦେଖାଯାଉଛି । ଏହାସହ ହିଂସାକାରୀ ଆକାଶରେ ଅତ୍ୟାଧୁନିକ ଅସ୍ତ୍ରଶସ୍ତ୍ର ଫୁଟାଉଥିବା ଦେଖାଯାଉଛି । ଅଧିକାରୀମାନେ କହିଛନ୍ତି ଯେ ଆଇନ ଶୃଙ୍ଖଳା ବଜାୟ ରଖିବା ଏବଂ ସନ୍ଦିଗ୍ଧ ବ୍ୟକ୍ତିଙ୍କ ଗତିବିଧିକୁ ଅଟକାଇବା ପାଇଁ ମହାଦେବ, ଲାମ୍ବୁଇ, ଶାଙ୍ଗକାଇ ଏବଂ ଲିଟାନକୁ ଯାଉଥିବା ସମସ୍ତ ରାସ୍ତାରେ ସୁରକ୍ଷା କର୍ମୀଙ୍କୁ ନିୟୋଜିତ କରାଯାଇଛି । ଅଧିକାରୀ କହିଛନ୍ତି ଯେ, ଉଭୟ ପକ୍ଷର ମୁଖ୍ୟଙ୍କ ମଧ୍ୟରେ ଆଲୋଚନା ମାଧ୍ୟମରେ ପ୍ରାରମ୍ଭିକ ଭାବରେ ସମସ୍ୟାର ସମାଧାନ କରାଯାଇଥିଲା । ରବିବାର ଉଭୟ ପକ୍ଷ ପାରମ୍ପରିକ ଉପାୟରେ ମାମଲାର ସମାଧାନ କରିବାକୁ ରାଜି ହୋଇଥିଲେ। କିନ୍ତୁ ବୈଠକ ହୋଇ ପାରିନଥିଲା । ବରଂ ନିକଟସ୍ଥ ସିକିବୁଙ୍ଗର ଗ୍ରାମବାସୀଙ୍କ ଏକ ଗୋଷ୍ଠୀ ଲିଟାନ ସାରେଖୋଙ୍ଗର ମୁଖ୍ୟଙ୍କ ବାସଭବନ ଉପରେ ଆକ୍ରମଣ କରିଥିଲେ । ଏହାସହ ସାତ ରାଉଣ୍ଡ ଗୁଳି ଚଳାଇଥିଲେ।
ମଣିପୁର: ପୁଣି ମଣିପୁରରେ ହିଂସା ଦେଖିବାକୁ ମିଳିଛି । ନାଗା ସମ୍ପ୍ରଦାୟର ଜଣଙ୍କ ଉପରେ ଆକ୍ରମଣ ପରେ ପରସ୍ପର ଉପରେ ଆକ୍ରମଣ ସହ ଘରପୋଡ଼ି ପରିସ୍ଥିତି ସୃଷ୍ଟି ହୋଇଛି ।
ମଣିପୁରର ଉଖ୍ରୁଳ ଜିଲ୍ଲାରେ ହିଂସା ଉଗ୍ର ରୂପ ନେଇଛି । ସଶସ୍ତ୍ର ହିଂସାକାରୀ ଅନେକ ଘରେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ତାଙ୍ଗଖୁଲ ନାଗା ସମ୍ପ୍ରଦାୟର ଜଣେ ସଦସ୍ୟଙ୍କ ଉପରେ ଆକ୍ରମଣ ପରେ ଉତ୍ତେଜନା ବୃଦ୍ଧି ପାଇଥିବା ସୂଚନା ରହିଛି । ଅଧିକାରୀଙ୍କ ସୂଚନା ଅନୁସାରେ ରବିବାର ସନ୍ଧ୍ୟାରେ ଲିଟାନ ଗାଁରେ ଦୁଇଟି ଆଦିବାସୀ ଗୋଷ୍ଠୀର ସଦସ୍ୟ ପରସ୍ପର ଉପରେ ପଥର ଫିଙ୍ଗିଥିଲେ । ପରେ ପରିସ୍ଥିତି ବିଗିଡ଼ି ଯାଇଥିଲା । ଫଳରେ କର୍ତ୍ତୃପକ୍ଷ ସମଗ୍ର ଅଞ୍ଚଳରେ ନିଷେଧ ଆଦେଶ ଜାରି କରିଥିଲେ । ସୋମବାର ମଧ୍ୟରାତ୍ରିରେ, କୁକି ଆତଙ୍କବାଦୀଙ୍କ ଦ୍ୱାରା ଲିଟାନ ସାରେଖୋଙ୍ଗରେ ଟାଙ୍ଗଖୁଲ ନାଗା ସମ୍ପ୍ରଦାୟର ସଦସ୍ୟଙ୍କ ଅନେକ ଘର ପୋଡ଼ି ଦିଆଯାଇଥିଲା । ପ୍ରତିଶୋଧ ସ୍ୱରୂପ, ନିକଟବର୍ତ୍ତୀ ଅଞ୍ଚଳରେ କୁକି ସମ୍ପ୍ରଦାୟର ସଦସ୍ୟଙ୍କ କିଛି ଘରକୁ ମଧ୍ୟ ପୋଡ଼ି ଦେଇଥିଲେ କୁକୀ ସମ୍ପ୍ରଦାୟ ଲୋକ (ତାଙ୍ଗଖୁଲ ହେଉଛି ମଣିପୁରର ସବୁଠାରୁ ବଡ଼ ନାଗା ଜନଜାତି, ଯେତେବେଳେ ଲିଟାନ ସାରେଖୋଙ୍ଗ ହେଉଛି ଏକ କୁକି ଗ୍ରାମ) । ହିଂସା ଅଟକାଇବା ପାଇଁ ପାଇଁ ସୁରକ୍ଷା ବାହିନୀ ଲୁହ ବୁହା ଗ୍ୟାସ୍ ପ୍ରୟୋଗ କରିଥିଲେ ।