ଟିଟିଲାଗଡ଼ : ଟିଟିଲାଗଡ଼ରେ ପୁଣି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣା ସ୍ଥଳରେ ହିଁ ଦୁଇ ବାଇକ ଆରୋହୀଙ୍କ ମୃତ୍ୟ ଘଟିଛି । ପିକଅପ ଭ୍ୟାନ (ନମ୍ବର OD03AE 5918) ଏବଂ ଟିଭିଏସ ବାଇକ ( ନମ୍ବର OD17W5241 ) ମଧ୍ୟରେ ମୁହାଁ ମୁହିଁ ଧକ୍କା ହୋଇଥିଲା । ବାଇକଟି ସମ୍ପୂର୍ଣ ଭାବରେ ଚୁରମାର ହୋଇଥିବା ବେଳେ ବାଇକରେ ଥିବା ଟିଟିଲାଗଡ଼ ସହର ନିକଟସ୍ଥ ତୁଳାଙ୍ଗ ଗାଁ ର ଶିବ ଭୋଇ (18 ବର୍ଷ) ଏବଂ ଧୀରଜ ମାଝୀ (25 ବର୍ଷ ) ଙ୍କର ଘଟଣା ସ୍ଥଳରେ ମୃତ୍ୟ ଘଟିଛି । ତୁଳାଙ୍ଗ ଗାଁ ର ଦୁଇ ଯୁବକ ଗାଁ ରୁ ଟିଟିଲାଗଡ଼ ଆସୁଥିବା ବେଳେ ଟିଟିଲାଗଡ଼ ସହରରୁ ପିପଲ ପଦର ଅଭିମୁଖେ ଯାଉଥିବା ପିକଅପ ଭ୍ୟାନ ସହ ସର୍ଗିଗୁଡା ଛୋଟୁ ମହାରାଜ ସିନେମା ହଲ ସମ୍ମୁଖରେ ମୁହାଁ ମୁହିଁ ଧକ୍କା ହୋଇଥିଲା । ଟିଟିଲାଗଡ଼ ପୋଲିସ ଘଟଣାସ୍ଥଳରେ ପହଂଚି ଶବ ଦୁଇଟିକୁ ଜବତ କରି ଟିଟିଲାଗଡ଼ ମୁଖ୍ୟ ଡାକ୍ତରଖାନାକୁ ଆଣିବା ସହିତ ଦୁର୍ଘଟଣା ଘଟଇଥିବା ଗାଡିକୁ ଜବତ କରି ତଦନ୍ତ ଆରମ୍ଭ କରିଛି l ଗାଡି ଚାକକୁ ଟିଟିଲାଗଡ଼ ଥାନାରେ ଅଟକ ରଖି ପଚାର ଉଚରା କରୁଛି ପୋଲିସ ।