ଜିଲ୍ଲାପାଳ ପ୍ରତିଭା ପାଲଙ୍କ ଅନୁଯାୟୀ, ଏହି ଘଟଣା ବାଣ୍ଡା ଥାନା ଅଞ୍ଚଳର ନୌରୋଜା ଏବଂ ଘୁଘରା ଖୁର୍ଦ ଗାଁରେ ଘଟିଛି। ଶନିବାର ଭୋର ପ୍ରାୟ ୪:୩୦ ସମୟରେ ପ୍ରଥମ ରିପୋର୍ଟ ମିଳିଥିଲା। ପ୍ରଭାବିତ ଗ୍ରାମଗୁଡ଼ିକରେ ସ୍କ୍ରିନିଂ ଚାଲିଛି ଏବଂ ଯେଉଁମାନେ ମଦ ପିଇଥିଲେ ସେମାନଙ୍କର ପରୀକ୍ଷା କରାଯାଉଛି। ଯେଉଁମାନଙ୍କ ଲକ୍ଷଣ ଦେଖାଯାଉଛି ସେମାନଙ୍କୁ ବୁନ୍ଦେଲଖଣ୍ଡ ମେଡିକାଲ କଲେଜକୁ ପଠାଯାଉଛି। ତେବେ ପୋଷ୍ଟମର୍ଟମରୁ ମିଥାଇଲ୍ ଆଲକୋହଲ୍ ସେବନ ହୋଇଥିବା ଜଣାପଡ଼ିଛି।
ସେହିପରି ପୋଲିସ ଅଧୀକ୍ଷକ ଅନୁରାଗ ସୁଜାନିଆ କହିଛନ୍ତି ଯେ ପ୍ରାଥମିକ ତଦନ୍ତରୁ ଜଣାପଡୁଛି ଯେ ମଦ ଉତ୍ତର ପ୍ରଦେଶର ଲଳିତପୁରରୁ ଯୋଗାଣ କରାଯାଇଥିଲା। କିଛି ଲୋକଙ୍କୁ ଅଟକ ରଖାଯାଇ ପଚରାଉଚରା କରାଯାଉଛି। ଲଳିତପୁରରେ ମଧ୍ୟ ଏହି ବିଷାକ୍ତ ମଦ ନେଟୱାର୍କର ତଦନ୍ତ କରାଯାଉଛି। ମୁଖ୍ୟମନ୍ତ୍ରୀ ଡକ୍ଟର ମୋହନ ଯାଦବ ମଧ୍ୟ ଏହି ଘଟଣାରେ ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି।