ଆସନ୍ତା ୨୬ ଓ ୨୭ରେ ପୁଣି ମହାପ୍ରଭୁଙ୍କ ରତ୍ନ ଗଣତିମଣତି’: ଶ୍ରୀମନ୍ଦିର ମୁଖ୍ୟ ପ୍ରଶାସକ

୧୩

ପୁରୀ: ପୁର୍ନବାର ହେବ ମହାପ୍ରଭୁଙ୍କ ରତ୍ନ ଗଣତିମଣତି । ଆସନ୍ତା ନଭେମ୍ୱର ୨୬ ଏବଂ ୨୭ ତାରିଖରେ ପୁଣି ଗଣତିମଣତି କାର୍ଯ୍ୟ ଆରମ୍ଭ ହେବ । କାର୍ତ୍ତିକ ମାସ ପାଇଁ ଭିତର ରତ୍ନଭଣ୍ଡାର ଗଣତିମଣତି ବନ୍ଦ ରହିଛି । ଗଣତିମଣତି ସମୟରେ ମହାପ୍ରଭୁଙ୍କ ନୀତିକୁ ଗୁରୁତ୍ୱ ଦିଆଯାଇଛି । ଗଣତିମଣତି ହେବାକୁ ଥିବା ଦୁଇଦିନରେ ବାହାରକାଠ ନିକଟରୁ ସର୍ବସାଧାରଣଙ୍କ ଦର୍ଶନ ଜାରି ରହିବ । ନେଇ ରବିବାର ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ସୂଚନା ଦେଇଛନ୍ତି ।

ସେପଟେ ଶ୍ରୀମନ୍ଦିର ବାହାରେ ନକଲି ଗୁମାସ୍ତାଙ୍କ ପ୍ରାଦୁର୍ଭାବ ଉପରେ ମଧ୍ୟ ମୁଖ୍ୟ ପ୍ରଶାସକ କଡ଼ା ଆଭିମୁଖ୍ୟ ଦେଖାଇଛନ୍ତି । ସେ କହିଛନ୍ତି, ସମ୍ପୃକ୍ତ ନକଲି ଗୁମାସ୍ତାଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ । ବିଭିନ୍ନ ସମୟରେ ଭକ୍ତଙ୍କୁ ଶୋଷଣ କରୁଥିବା ବ୍ୟକ୍ତିଙ୍କ ଉପରେ ନିଆଯାଉଛି କାର୍ଯ୍ୟାନୁଷ୍ଠାନ । ଜେଟିପି ଓ ପାଳିଆ ସେବାୟତ ନକଲି ଗୁମାସ୍ତାଙ୍କୁ ଚିହ୍ନଟ କରୁଛନ୍ତି ।

ଉଲ୍ଲେଖଯୋଗ୍ୟ ଯେ ଶ୍ରୀମନ୍ଦିର ଉତ୍ତରଦୁଆର ନିକଟରେ ଜଣେ ଗୁମାସ୍ତା ଭକ୍ତଙ୍କ ମୁଣ୍ଡପିଛା ୧୦୦୦ ଟଙ୍କା ହିସାବରେ ୧୩ ଜଣଙ୍କ ଠାରୁ ୧୩୦୦୦ ଟଙ୍କା ନେଇ କୁଆଡେ ଗାଏବ ହୋଇଯାଇଥିବା ଅଭିଯୋଗ ହୋଇଛି । କିଛିଦିନ ପୂର୍ବରୁ ସିଂହଦ୍ଵାର ଥାନା ପୋଲିସ ୯ ଜଣ ନକଲି ଗୁମାସ୍ତାଙ୍କୁ ଗିରଫ କରିଥିବା ବେଳେ ଆଜି ଆଉ ଜଣେ ନକଲି ଗୁମାସ୍ତା ଭକ୍ତଙ୍କ ଠାରୁ ୧୩,୦୦୦ ଟଙ୍କା ହଡପ କରିବା ଘଟଣା ସବୁ ସୀମା ପାର୍ କରିଛି । ଯାହାକୁ ନେଇ ଭକ୍ତ ମହଲରେ ଅସନ୍ତୋଷ ପ୍ରକାଶ ପାଇଥିବା ବେଳେ ସମ୍ପୃକ୍ତ ନକଲି ଗୁମାସ୍ତା ଉପରେ ଦୃଢ କାର୍ଯ୍ୟାନୁଷ୍ଠାନ ଦାବି ହୋଇଛି । ସେପଟେ ପଞ୍ଚୁକ ସମୟରେ ଶ୍ରୀମନ୍ଦିରକୁ ଲକ୍ଷାଧିକ ଭକ୍ତଙ୍କ ଭିଡ ଜମୁଥିବା ବେଳେ ସହଜରେ ଦର୍ଶନ କରାଇବା କହି ନକଲି ଗୁମାସ୍ତା ମାନେ ଭକ୍ତଙ୍କୁ ଶୋଷଣ କରୁଛନ୍ତି ।

Share