ଭୁବନେଶ୍ୱର: ଆଗାମୀ ଫ୍ଲାଏଓଭର ପ୍ରକଳ୍ପ ପାଇଁ ମାଟି ପରିକ୍ଷା କାର୍ଯ୍ୟ ଆରମ୍ଭ ହେଉଥିବାରୁ ଅଗଷ୍ଟ ୬ ତାରିଖରୁ ରାଜଧାନୀର ଜୟଦେବ ବିହାର-ନନ୍ଦନକାନନ ଷ୍ଟ୍ରେଚ୍ ଦେଇ ଯାତ୍ରା କରୁଥିବା ଯାତ୍ରୀମାନେ ଟ୍ରାଫିକ୍ ଭିଡ଼ର ସମ୍ମୁଖୀନ ହେବାର ସମ୍ଭାବନା ରହିଛି। ଯାହାକୁ ଦୃଷ୍ଟିରେ ରଖି ଟ୍ରାଫିକ କଟକଣା ଜାରି କରାଯାଇଛି।
ଜୟଦେବ ବିହାର-ନନ୍ଦନକାନନ ରୋଡ୍ ଫ୍ଲାଏଓଭର ପ୍ରକଳ୍ପ ପାଇଁ ଯୋଜନାବଦ୍ଧ ଭିତ୍ତିଭୂମି ପରୀକ୍ଷଣ ସମ୍ପର୍କରେ ଓବି ଆଣ୍ଡ ସିସି ଲିମିଟେଡର ମୁଖ୍ୟ ମହାପ୍ରବନ୍ଧକ-IIଙ୍କ ବିଜ୍ଞପ୍ତି ପରେ କମିଶନରେଟ୍ ପୋଲିସ ଏକ ଟ୍ରାଫିକ୍ ପରାମର୍ଶ ଜାରି କରିଛି।
ପ୍ରାରମ୍ଭିକ ମାଟି ପରୀକ୍ଷଣ ୪୫ ଦିନର ଅବଧିରେ ହେବ। ଯାହା ସେପ୍ଟେମ୍ବର ୧୯ ତାରିଖ ପର୍ଯ୍ୟନ୍ତ ଚାଲିବ। ଏହି କାର୍ଯ୍ୟ ପାଞ୍ଚଟି ସ୍ଥାନରେ କରାଯିବ: କଳିଙ୍ଗ ଷ୍ଟାଡିୟମ ଗେଟ୍ ନମ୍ବର ୭ ଏବଂ ୮, ଜୟଦେବ ବିହାରରେ ପାଲ ହାଇଟ୍ସ, କଳିଙ୍ଗ ହସ୍ପିଟାଲ ସ୍କୋୟାର, ଡମଣା ସ୍କୋୟାର ଏବଂ KIIT ସ୍କୋୟାର।