ଏହି କାର୍ଯ୍ୟକୁ ଆଇନ ଅମାନ୍ୟତାକୁ ପ୍ରୋତ୍ସାହିତ କରୁଥିବା ସାର୍ବଜନୀନ ଶୃଙ୍ଖଳାର ଉଲ୍ଲଂଘନ ବୋଲି ବର୍ଣ୍ଣନା କରି ବିଜେଡି ମୁଖପାତ୍ର ଲେନିନ୍ ମହାନ୍ତି କହିଛନ୍ତି ଯେ ମହାଲିଙ୍ଗଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ସେ ଅଭିଯୋଗ କରିଛନ୍ତି ଯେ ଏମିତି ସାର୍ବଜନୀନ ଭାବେ ମନ୍ତ୍ରୀଙ୍କ ଆଚରଣ ଗଣତାନ୍ତ୍ରିକ ମୂଲ୍ୟବୋଧ, ନୀତି ଏବଂ ସ୍ୱାଭାବିକତାକୁ କ୍ଷୁର୍ଣ୍ଣ କରେ।
ତେବେ ପୂର୍ବରୁ SCB MCH ଅଗ୍ନିକାଣ୍ଡ ଦୁର୍ଘଟଣାକୁ ନେଇ ତାଙ୍କ ଇସ୍ତଫା ଦାବି କରି ବିରୋଧୀ ବିଜେଡି ଏବଂ କଂଗ୍ରେସ ବିଧାୟକମାନେ ଗତ ଆଠ ଦିନ ଧରି ବିଧାନସଭା ଚଳାଇଦେଉ ନାହାଁନ୍ତି। ଲେନିନ ମହାନ୍ତି ଆହୁରି କହିଛନ୍ତି ଯେ ବିରୋଧୀଙ୍କ ବାରମ୍ବାର ଦାବି ସତ୍ତ୍ୱେ, ମୁଖ୍ୟମନ୍ତ୍ରୀ କିମ୍ବା ବିଜେପି ରାଜ୍ୟ ସଭାପତି ଏଥିରେ କୌଣସି ପ୍ରତିକ୍ରିୟା ଦେଇନାହାଁନ୍ତି।
ବିଜେଡି ନେତା କହିଛନ୍ତି ଯେ ଏକ ଭିଡିଓ ଭାଇରାଲ ହୋଇଛି ଯେଉଁଥିରେ ମନ୍ତ୍ରୀ ଖୋଲାଖୋଲି ଭାବରେ ବିରୋଧୀ ବିଧାୟକମାନଙ୍କୁ ଅତ୍ୟନ୍ତ ଖରାପ ଭାଷାରେ ଗାଳି ଦେଉଥିବା ଦେଖାଯାଇଛି। ତଥାପି, ତାଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ। ଲେନିନ୍ ମହାନ୍ତି ଏହା ମଧ୍ୟ ଅଭିଯୋଗ କରିଛନ୍ତି ଯେ ସାମ୍ପ୍ରତିକ ରାଜ୍ୟସଭା ନିର୍ବାଚନ ସମୟରେ ମନ୍ତ୍ରୀ ବିରୋଧୀ ବିଧାୟକମାନଙ୍କୁ ଭୋଟ ଦେବା ପାଇଁ ଟଙ୍କା ଗ୍ରହଣ କରିବାର ଅଭିଯୋଗ ମଧ୍ୟ କରିଥିଲେ।