ସୂଚନା ଅନୁଯାୟୀ, ଅଶ୍ୱିନଙ୍କୁ ଜ୍ୱର ହେବାରୁ ପ୍ରଥମେ ସ୍ଥାନୀୟ ଡାକ୍ତରଖାନାରେ ଚିକିତ୍ସା କରାଯାଇଥିଲା । ପରେ ତାଙ୍କୁ ଅନୁଗୋଳ ଜିଲ୍ଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରୁ ଅଧିକ ଚିକିତ୍ସା ପାଇଁ କଟକ ଶିଶୁଭବନକୁ ସ୍ଥାନାନ୍ତର କରାଯାଇଥିଲା। ଏକ ମାସରୁ ଊର୍ଦ୍ଧ୍ୱ ସମୟ ଧରି ଚିକିତ୍ସା ଚାଲିଥିବା ସତ୍ତ୍ୱେ ଶେଷରେ ଅଶ୍ୱିନଙ୍କ ମୃତ୍ୟୁ ହୋଇଛି। ଏହି ଘଟଣା ପରେ ଅଞ୍ଚଳରେ ସ୍କ୍ରବ୍ ଟାଇଫସ୍କୁ ନେଇ ଭୟର ବାତାବରଣ ସୃଷ୍ଟି ହୋଇଛି।
ସ୍କ୍ରବ୍ ଟାଇଫସ୍ କ’ଣ ଓ ଏହାର ଲକ୍ଷଣ:
ଏହା ଏକ ଜୀବାଣୁ ଜନିତ ରୋଗ, ଯାହା ବିଶେଷ କରି ବିଲ, ବୁଦା ବା ଘାସ ଜଙ୍ଗଲରେ ରହୁଥିବା ଏକ ପ୍ରକାର ଛୋଟ ପୋକ ବା ମାଇଟ୍ (Chigger) କାମୁଡ଼ିବା ଦ୍ୱାରା ବ୍ୟାପିଥାଏ। ଏହାର ମୁଖ୍ୟ ଲକ୍ଷଣଗୁଡ଼ିକ ହେଲା:
- ପ୍ରବଳ ଜ୍ୱର ହେବା ଓ ଶୀତ ଲାଗିବା
- ମୁଣ୍ଡବିନ୍ଧା ଏବଂ ଶରୀରରେ ଯନ୍ତ୍ରଣା ହେବା
- ପୋକ କାମୁଡ଼ିଥିବା ସ୍ଥାନରେ କଳା ଦାଗ (Eschar) ସୃଷ୍ଟି ହେବା