ସାନ ଭଉଣୀଙ୍କ ମୃତ୍ୟୁ ଖବର ପାଇବା ପରେ ବଡ଼ ଭଉଣୀ ମଧ୍ୟ ନିଜ ୩ ପିଲାଙ୍କୁ ସାଙ୍ଗରେ ନେଇ ଚାଷଜମିକୁ ଯାଇଥିଲେ । ତାଙ୍କର ୧୪ ଓ ୬ ବର୍ଷର ଦୁଇ ପୁଅ ଏବଂ ୧୧ ବର୍ଷର ଝିଅ ଥିଲେ । ସନ୍ଧ୍ୟା ପର୍ଯ୍ୟନ୍ତ ସେ ଘରକୁ ନ ଫେରିବାରୁ ପରିବାର ସଦସ୍ୟ ଖୋଜାଖୋଜି କରିଥିଲେ । କୂଅ ନିକଟରେ ଚପଲ ଓ ଭିତରେ ଜଣେ ଶିଶୁର ମୃତଦେହ ଦେଖିବା ପରେ ସେମାନେ ପୁଲିସକୁ ଖବର ଦେଇଥିଲେ । ପୁଲିସ ପହଞ୍ଚି ବଡ଼ ଭଉଣୀ ଓ ତାଙ୍କ ୩ ପିଲାଙ୍କ ମୃତଦେହ ଉଦ୍ଧାର କରିଥିଲା । ସ୍ଥାନୀୟ ଥାନା ଅଧିକାରୀ ରବି ଚୌହାନ ଓ କୋଲାରସ ଥାନା ଅଧିକାରୀ ଜିତେନ୍ଦ୍ର ଚନ୍ଦେଲିୟା ଘଟଣା ସମ୍ପର୍କରେ ସୂଚନା ଦେଇଛନ୍ତି । ପରିବାର ସଦସ୍ୟଙ୍କ କହିବା ଅନୁଯାୟୀ, ଦୁଇ ଭଉଣୀଙ୍କ ମଧ୍ୟରେ ଅତ୍ୟନ୍ତ ନିବିଡ଼ ସମ୍ପର୍କ ଥିଲା ।