ଇସ୍ରାଏଲ ସେନା କହିଛି ଯେ, ଜଣେ ରିଜର୍ଭ ଅଧିକାରୀ ହମାସର ଗୁଳିମାଡ଼ରେ ଗୁରୁତର ଆହତ ହେବା ପରେ ଏହାର ସଶସ୍ତ୍ର ୟୁନିଟ୍ ଓ ବିମାନ ଉତ୍ତର ଗାଜାରେ ଆକ୍ରମଣ କରିଥିଲା। ତେଣୁ ଆମେ ନୁହଁ ହମାସ ଅସ୍ତ୍ରବିରତି ଉଲ୍ଲଂଘନ କରିଛି ବୋଲି ଇସ୍ରାଏଲ ସେନା କହିଛି।
ଗାଜା: ଗାଜାରେ ଇସ୍ରାଏଲ କରିଛି ଏକ ବଡ଼ ଆକ୍ରମଣ, ଯେଉଁଥିରେ ଅତି କମ୍ରେ ୨୩ ଜଣ ପାଲେଷ୍ଟିନୀୟଙ୍କ ମୃତ୍ୟୁ ଘଟିଛି। ଅକ୍ଟୋବରରେ ଅସ୍ତ୍ରବିରତି ଆରମ୍ଭ ହେବା ପରଠାରୁ ଏହାକୁ ସବୁଠାରୁ ମାରାତ୍ମକ ବୋଲି କୁହାଯାଉଛି। ଗାଜାସ୍ଥିତ ଡାକ୍ତରଖାନା ସୂତ୍ରରୁ ପ୍ରକାଶ ଯେ, ବୁଧବାର ମୃତାହତଙ୍କ ମଧ୍ୟରେ ଜଣେ ୧୧ ବର୍ଷୀୟା ବାଳିକାଙ୍କ ସମେତ ଅନେକ ଶିଶୁ ଅଛନ୍ତି। ତେବେ ପ୍ରଥମେ ହମାସ ଅସ୍ତ୍ରବିରତି ଉଲ୍ଲଂଘନ କରିବାରୁ ଆମେ ଆକ୍ରମଣ କଲୁ ବୋଲି ଇସ୍ରାଏଲ ପ୍ରତିକ୍ରିୟା ଦେଇଛି।