ଆମେରିକା : ଆମେରିକାରେ ଓହିୟୋରେ ଟୋଲେଡୋରେ ଭୟଙ୍କର ଗୁଳିକାଣ୍ଡ । ଏଠାରେ ଉତ୍ସବ ଚାଲିଥିବା ବେଳେ ଦୁବୃର୍ତ୍ତ ଆଖିବୁଜା ଗୁଳିମାଡ଼ ହୋଇଛି । ଏଠାକାର ଟୋଲେଡୋ ସହରର ଆୟୋଜିତ ଏକ କାର୍ଯ୍ୟକ୍ରମରେ ଗୁଳିମାଡ଼ ହୋଇଥିବା ଯୋଗୁଁ ଅନେକ ବ୍ୟକ୍ତି ଆହତ ହୋଇଛନ୍ତି । ଘଟଣା ପରେ ପୋଲିସ ଏବଂ ଜରୁରୀକାଳୀନ ଟିମ୍ ପହଞ୍ଚିଥିଲା ।
ପୋଲିସର କହିବାନୁସାରେ, ଘଟଣାରେ କେତେ ଜଣଙ୍କ ସଂପୃକ୍ତି ଅଛି ତାହା ସ୍ପଷ୍ଟ ହୋଇନାହିଁ । ସେନେଇ ତଦନ୍ତ ଚାଲିଛି । ସ୍ଥାନୀୟ ସମୟ ଅନୁସାରେ ସନ୍ଧ୍ୟା ୫ଟା ୩୭ରେ ଓଲ୍ଡ ଓ୍ୱେଷ୍ଟ୍ ଆଣ୍ଡ୍ ଫେଷ୍ଟିଭାଲ୍ ନିକଟରେ ଗୁଳିକାଣ୍ଡର ସୂଚନା ମିଳିଥିଲା । ଏଥିରେ ଅନେକ ଆହତ ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ସ୍ଥାନୀୟ ମେୟର କହିଛନ୍ତି ଯେ, ୧୨ ଜଣଙ୍କ ଦେହରେ ଗୁଳି ବାଜିଛି । ତେବେ ସୋସିଆଲ ମିଡିଆରେ ସେୟାର ହୋଇଥିବା ଅନେକ ଭିଡିଓରେ ଗୁଳିମାଡ଼ର ଶବ୍ଦ ଶୁଣିବାକୁ ମିଳୁଛି । ଯେଉଁମାନେ ଏଥିରେ ସାମିଲ ଅଛନ୍ତି, ସେମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି କରାଯିବ ।
ସମସ୍ତ ଆହତଙ୍କୁଚିକିତ୍ସା ପାଇଁ ଅଲଗା ଅଲଗା ହସପିଟାଲରେ ଭର୍ତ୍ତି କରାଯାଇଛି । ଘଟଣା ପରେ ସମଗ୍ର ଅଞ୍ଚଳରେ ପୋଲିସ ବଳ ନିୟୋଜିତ ରହିଛନ୍ତି । ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ତେବେ ଏଠାରେ ଲୋକପ୍ରିୟ ଦୁଇ ଦିବସୀୟ ସାମୁଦାୟିକ ଆୟୋଜନ କରାଯାଉଥିଲା । ଉତ୍ସବରେ ଲାଇଭ୍ ଗୀତ, ଖାଇବା ପିଇବା ଷ୍ଟଲ, ଘର ସାମଗ୍ରୀ ଜିନିଷ ବିକ୍ରି ହେଉଥିଲା । ତେଣୁ ଅନେକ ଲୋକ ଜମା ହୋଇଥିଲେ । ଗୁଳିମାଡ଼ ପରେ ସମସ୍ତେ ଚାରିଆଡେ ଦୌଡିବାକୁ ଲାଗିଥିଲେ ।