ସେମାନଙ୍କ ମୋବାଇଲ୍‌ ଫୋନ୍‌ରୁ ସନ୍ଦେହଜନକ ବାର୍ତ୍ତାଳାପ, ଭିଡିଓ ଓ ସମ୍ବେଦନଶୀଳ ପ୍ରତିଷ୍ଠାନ ସମ୍ପର୍କିତ ତଥ୍ୟ ମିଳିଛି। ଏହି ତଥ୍ୟ ପାକିସ୍ତାନରେ ଥିବା ହ୍ୟାଣ୍ଡଲରଙ୍କ ସହ ବାଣ୍ଟିଥିବା ଅଭିଯୋଗ ହୋଇଛି। ଏଟିଏସ୍‌ର କହିବା ଅନୁଯାୟୀ, ଏହି ଯୋଜନା ସଫଳ ହେବା ପରେ ଅଭିଯୁକ୍ତମାନଙ୍କୁ ନେପାଳ ପଳାଇଯିବାକୁ କୁହାଯାଇଥିଲା। ମାମଲାରେ ଜଣେ ସ୍ଥାନୀୟ ସହଯୋଗୀଙ୍କ ଭୂମିକା ମଧ୍ୟ ସନ୍ଦେହ ଘେରରେ ରହିଛି। ଅଭିଯୁକ୍ତଙ୍କୁ ସହାୟତା କରିଥିବା ବ୍ୟକ୍ତି, ଆର୍ଥିକ କାରବାର ଓ ଅନ୍ୟ ସହଯୋଗୀଙ୍କ ସମ୍ପର୍କରେ ତଦନ୍ତ ଜାରି ରହିଛି। ଅଭିଯୁକ୍ତମାନଙ୍କୁ ପଚରାଉଚରା ପାଇଁ ପୁଲିସ ରିମାଣ୍ଡରେ ନେବାକୁ ଯୋଜନା କରିଛି।