ରପ୍ତାନି ବନ୍ଦ ହେବା ପରେ ଏବେ ଖବର ମିଳିଛି ଯେ ଇରାନ ପାଖରେ ଏତେ ତୈଳ ଅଛି ଯେ ରଖିବା ପାଇଁ କୌଣସି ସ୍ଥାନ ନାହିଁ। ରିପୋର୍ଟ ଅନୁଯାୟୀ, ଇରାନ ପାଖରେ ବର୍ତ୍ତମାନ ମାତ୍ର ୧୨ରୁ ୨୨ ଦିନର ଉତ୍ପାଦିତ ତୈଳ ରଖିବାକୁ ଯାଗା ଅଛି। ଏହାପରେ ଇରାନ ଉତ୍ପାଦନ ହ୍ରାସ କରିବାକୁ ବାଧ୍ୟ ହୋଇପାରେ, ଯାହା ଇରାନ ସରକାରଙ୍କ ଆୟ ଉପରେ ସିଧାସଳଖ ପ୍ରଭାବ ପକାଇବ। ପରିସ୍ଥିତି ଏତେ ଗମ୍ଭୀର ହୋଇଛି ଯେ ଇରାନ ବର୍ତ୍ତମାନ ଅନେକ ଅସାଧାରଣ ପଦକ୍ଷେପ ନେଉଛି। ଇରାନ ପୁଣି ଥରେ ଏହାର ପୁରୁଣା ଓ ଦୀର୍ଘ ଦିନର ଅଚଳ ଟ୍ୟାଙ୍କର୍‌ରେ ତୈଳ ରଖିବା ଆରମ୍ଭ କରିଛି।

ନିକଟରେ ଇରାନ ମଧ୍ୟ ଆମେରିକାକୁ ଏକ ନୂଆ ପ୍ରସ୍ତାବ ପଠାଇଥିଲା। ଏହି ପ୍ରସ୍ତାବରେ ଇରାନ କହିଛି ଯେ ଯଦି ଆମେରିକା ଯୁଦ୍ଧ ବନ୍ଦ କରିବା ସହିତ ଅବରୋଧ ହଟାଏ, ତେବେ ଇରାନ ମଧ୍ୟ ହର୍ମୁଜରୁ ପ୍ରତିବନ୍ଧକ ହଟାଇବ। ପରିସ୍ଥିତି ସ୍ୱାଭାବିକ ହେବା ପରେ ହିଁ ଏହା ଆଣବିକ କାର୍ଯ୍ୟକ୍ରମ ପ୍ରସଙ୍ଗରେ ଆଲୋଚନା କରିବ। କିନ୍ତୁ ଏହି ପ୍ରସ୍ତାବକୁ ଗ୍ରହଣ କରିବାକୁ ମନା କରିଦେଇଛି।